جستجو

جوجه‌لر

تصویر پست

جوجه‌لر

تویوغوموزون یومورتالاری بوگون بیر بیر چاتلادی.اون گؤن منی هر ایشدن قویموشدو بو تویوق. داییم حیطده نینین یانیندا اولوردوم.ایکی یول آنام منی قوناق آپاردی آما هئچ یاپیشمادی.ایستیردیم قورخوردوم من ائوده اولمایاندا چیخسین جوجه لر خوروز خان تئز اونلاری مندن گیزلتسین. یا دا مثلاَ منیم گؤزومو اوزاق گؤروب اونلارا دئسین:«بالاجا خوخان بیزیم قووالاریمیزی گؤتوروب». اورَ ییمده دئییردیم بوندان سونرا ائوین بام بالاجاسی من دئییلم. اؤزومه خانیم اولارام جوجه‌لر مینم سؤزومه باخار. آما  جوجه‌لر چیخاندا چوخ سئوینمه دیم: «سکگیز بالا جوجه آج-سوسوز، نه للکلری وار نه قویروقلاری.  هم آریق هم ده بالاجا. تویوق خانیم اؤیونه-اؤیونه باخدی منه. یعنی گؤرورسن نه جوجه لر چیخارتدیم داا. هئچ دئمه دیم بونلار نه دیر آخی؟!

یاواشجا نیندن اوزاقلاشیب ائوه گلدیم. خوخان آنا منی گؤروب سوروشدو:

نه اولدو قیزیم؟

جوجه‌لر چیخدیلار.

پئئئئ؟ نه یاخشی!

یوخ یاخشی دئییلر هئچ. یازیق تویوق خانیم.

آنام دیک دوروب پنجره دن نینه باخا باخا دئدی: نئجه اولوب مگر؟

للکلری زادی یوخدور هئچ آتا-آنالارینا بنزه میرلر. هم ده هئچ آیاغا دورابیلمیرلر بونلار. نئجه منله اوینایاجاقلار باا؟

آنام هله ده پنجره دن جوجه لره باخیردی:

دور گل باخ. سن ائوه گلندن سونرا دوروبلار آیاغا ایندی ده دن یئیرلر. صاباه بیرگون ده للکلری چیخار.

من تئز پنجره قاباغینا قاچدیم جوجه لر دئیه سن بو بیرذره واختدا نم نقدر بؤیوموشدولر. تویوق گؤز آلتی باخدی منه، یعنی:« گؤردون نئجه آلداتدیم سنی!» من هئچ سسمی ده چیخارتمادیم.

 

ائندیر:دانلود

رسام:کؤنول رنجبر

سس:تامای حسن زاده

قایناق : xoxan.com

برچسب ها : ,,,,,,

دیدگاه خود را بیان کنید


اطلاعات

آمار

  • 820
  • 1,264
  • 150,260
  • 103
  • شهریور ۱۱, ۱۳۹۶
تصوير من

سلام من اداباز هستم از تبریز. و این وبلاگ منه در اینجا مطالبی ترکی و فارسی در مورد هر چی که دوست دارم, چیزهای که بهش فکر میکنم و به بعضی وقتها خاطره مینویسم. با نظرت منو خوشحال میکنی.

حق نشر © انتشار نوشته هاي اين وبگاه در سايت ها و نشريات آزاد است!

طراحي شده توسط ميلاد دهقان عضو گروه رویین